ഗുരു, അദ്ധ്യാപകന്, വേദവും ശാസ്ത്രവും പഠിച്ച ആള് എന്നെല്ലാം അര്ഥം വരുന്ന "ആചാര്യ" സംസ്കൃത പദത്തില് നിന്നാണ് ആചാരി എന്ന പദം ഉണ്ടായത്. എന്ത് കൊണ്ടാണ് ആചാര്യനില് നിന്നും ആചാരി വെത്യസ്ഥന് ആയത്?.- ഉത്തരം,
"ആചാര്യന്" ഗുരുനാഥനും വേദവും ശാസ്ത്രവും പഠിച്ച ആള് ആണെങ്ങില്, "ആചാരി" ഗുരുനാഥനും വേദശാസ്ത്ര പണ്ഡിതനും ഒരു കരകൌശല വിദഗ്ദ്ധനും കൂടിയാണ്.
ശില്പ ശാസ്ത്രത്തില് ആചാരിയുടെ നിര്വചനം ഇങ്ങനെയാണ്
ആ കാരോ ആഗമ സ്വസ്തി
ച കാരോ ശാസ്ത്ര കോവിത
രി കാരോ ദേവോല്പതി
ആചാരി യത് ത്രയക്ഷരംവിശദീകരണം ഇങ്ങനെ, പ്രാണവായുവില് പോലും വേദത്തെ കാണുകയും ശാസ്ത്രം പഠിച്ചവനും ദേവ ശില്പങ്ങള് നിര്മ്മിക്കാന്
കഴിവുള്ളവനും ആണ് ആചാരി.
ദക്ഷിണ ഇന്ത്യയിലെ വിശ്വകര്മ്മജര് ആണ് ആചാരി എന്ന കുല നാമം ഉപയോഗിക്കുനത്. വിശ്വകര്മ്മജരിലെ അഞ്ചു വിഭാഗങ്ങള്ക്കും ഈ പേര് അവകാശപ്പെട്ടതാണ് എന്നാണു എന്റെ അറിവ്.
ഇതില് ആന്ധ്ര പ്രദേശ്, മധ്യപ്രദേശ്, കര്ണ്ണാടക എന്നി ഇടങ്ങളില് ആചാരി എന്നുപയോഗിക്കുമ്പോള് തമിഴ് നാടിലും കേരളത്തിലും ചിലയിടങ്ങളില് ആചാരി എന്നത് ആശാരി ആയിമാറി. ഇതിനു രണ്ടു കാരണങ്ങള് ഉണ്ട്.
ഒന്ന്, അവിടുത്തെ നാട്ടു ഭാഷകള് ആണ്. പൂജാരിക്ക് പൂശാരി, രാജാവിനു രാശാവ്, യജമാനന് എന്നതിന് യശമാനന് എന്നു പറയുന്നത് പോലെ ആചാരിക്ക് ആശാരി എന്നായി. അങ്ങനെ ഇവടെ വിശ്വകര്മ്മ സമുദായം മുഴുവന് ആശാരി എന്ന പേരില് ആയി. മരയാശാരി, കല്ലാശാരി, പൊന്നാശാരി തുടങ്ങിയ വിളിപേരുകള് ഉണ്ടായി. പക്ഷെ മരപണി ചെയ്തിരുന്ന വിഭാഗം മറ്റുള്ളവരെ അപേക്ഷിച് പേരിന്റെ കൂടെ കുലനാമം വച്ചിരുന്നതിനാല്, ആശാരി എന്നത് മരപണി ചെയ്യുനവര് മാത്രമാണെന്ന് തെറ്റിധരിക്കപെട്ടു. അങ്ങനെ തച്ചന് (തക്ഷുകന്) മാരുടെ വിളിപേര് ആശാരി എന്നായി.
കേരളത്തില് തന്നെ വടക്കന് കേരളത്തിലാണ് കുടുതല് ആയും ആശാരി എന്നു മരപ്പണിക്കാരെ വിളിക്കുനത്. എന്ടെ നാട്ടില് (പത്തനംതിട്ട) ആശാരി എന്നവാക്ക് ഉപയോഗിക്കുനുന്ടെങ്കിലും മരപ്പണി ചെയ്യുന്നവരെ മുന്പ് "പണിക്കന്" (ഇത് മധ്യ തിരുവിതാംകൂറിലെ ക്രൈസ്തവരുടെ സംഭാവനയാണ്) എന്ന പേരിലാണ് അറിയപ്പെടിരുന്നത്. അതുപോലെ തന്നെ അവിടെ വിശ്വകര്മ്മജരിലെ അഞ്ചു വിഭാഗങ്ങളും ആചാരി എന്ന കുലനാമം ആണ് ഉപയോഗിച്ചിരുന്നത്, ഇപ്പോഴും ഉപയോഗിക്കുനത്. അവടെ നീ ആശാരി ഞാന് ആചാരി എന്ന വ്യത്യാസം ഇല്ല.
രണ്ടാമത്, ത്മിഴ് നാട്ടില് ഉണ്ടായിരുന്ന ഒരു വിഭാഗം ബ്രാഹ്മണര് "ആചാരി" എന്ന സ്ഥാന പേര് (?) ഉപയോഗിച്ചിരുന്നു.
ഇവരില് ചിലര് കരുതുകൂട്ടി വിശ്വകര്മ്മ സമുദായത്തിന്റെ ആചാരി എന്ന കുലനാമം ആശാരി എന്നാക്കാന് ശ്രമിച്ചിരുന്നു.
അത് വിജയിക്കുകയും ചെയ്തു. "എഡ്ഗര് തെര്സ്ടോന്" ണ്ടെ "കാസ്റെസ് ആന്ഡ് തൃബെസ് ഓഫ് സതെര്ന് ഇന്ത്യ" എന്ന പുസ്തകത്തില് ഇത് വ്യക്തമായി പറയുന്നുണ്ട്. ആചാരി എന്നത് വിശ്വകര്മ്മജരുടെ മുഴുവന് കുലനാമം ആണ്. അല്ലാതെ ജാതി പേരല്ല.
അപ്പോള് ആശാരിയും ആചാരിയും രണ്ടു വിഭാകം അല്ല എന്നു അറിയാത്തവര് മനസിലാക്കുക.
മറ്റൊരു കാര്യം, അവിവാഹിതനായ ഞാന് matrimony site കള് നോക്കുന്ന ആള് ആണ്. അങ്ങനെയാണ് എന്റെ ശ്രദ്ധയില് പെട്ടത് ചിലര് തമിള് ഗോള്ഡ് സ്മിത്ത് എന്നെഴുതിയിട്ട് ബ്രാകറ്റില് "വിശ്വബ്രാഹ്മണര്" എന്നെഴുതുന്നു. യഥാര്ഥത്തില് തമിള് ഗോള്ഡ് സ്മിത്ത് മാത്രമല്ല പരബ്രഹ്മാവിന്റെ പുത്രന്മാരായ സനകന്, സനാതന്, അഭുവനന്, പ്രജ്ഞ്സന്, സുപര്ണന് തുടങ്ങിയ പഞ്ച ഋഷികളുടെ പിന്ഗാമികളായ മനു, മയാ, ത്വഷ്ട, ശില്പി, വിശ്വഗ്ന തുടങ്ങിയ വിഭാഗത്തില് പെടുന്നവരെല്ലാം തന്നെ "വിശ്വബ്രാഹ്മണര്" ആണ്. അതുകൊണ്ട് പ്രത്യേകമായി വിശ്വബ്രാഹ്മണര് എന്നൊരു വിഭാഗം വിശ്വകര്മ്മ്ജരുടെ ഇടയില് ഇല്ല.
സമുദായതിനുള്ളിലുള്ള ഇത്തരം അസംഘടിത ചിന്തകള് വെടിഞ്ഞു ഒന്നിച്ചു നില്ക്കുവാന് ശ്രമിക്കുക.
കുറച്ചു വിവരങ്ങള് കിട്ടി
മറുപടിഇല്ലാതാക്കൂ:-)
സംസ്കൃതമാണ് മൂലഭാഷയെന്ന സങ്കല്പമാണ് നമ്മെ വഴിതെറ്റി
മറുപടിഇല്ലാതാക്കൂക്കുന്നത് .അദിവേദത്തില് നിന്നും ഉത്ഭവിച്ച നിരവധി പ്രകൃത ഭാഷകളില് നിന്നുമാണ് സത്യത്തില് സംസ്കൃതം ഉത്ഭവിച്ചിരിക്കുന്നത്.അപ്പോള് ആചാര്യ എന്ന പദം വാസ്തവത്തില് വിസ്വകര്മ്മജരില് നിന്നും തട്ടിയെടുത്തതാണ്
ഞാന് തമിഴ് വിശ്വകര്മ സമുദായത്തില് പെട്ടയാളാണ്.എന്റെ ഒാര്മ്മയില് പണ്ട് ഞങ്ങളുടെ സംഘടനയുടെ പേര് വിശ്വബ്രഹ്മ സമാജം എന്നായിരുന്നു.അന്ന് അയ്യര് ബ്രാഹ്മണരുടെ സംഘടനയുടെ പേര് ബ്രഹ്മ സമാജം എന്നായിരുന്നു. പിന്നീട് ആ സംഘടനയുടെ പേര് കേരള ബ്രാഹ്മണ സമൂഹം എന്നാക്കിയപ്പോള് ഞങ്ങളുടെ സംഘടന കേരള വിശ്വബ്രാഹ്മണ സമൂഹം എന്നാക്കി. ഞങ്ങളെ കാരണവര്മാര് പഠിപ്പിച്ചിട്ടുള്ളത് സസ്യാഹാരരീതിയാണ്.അയ്യര് സമുദായത്തിന്റെ ആചാരങ്ങളാണ് ഞങ്ങള് കാലങ്ങളായി പിന്തുടരുന്നത്.കേരളത്തിലെ വിശ്വകര്മജരുടെ ആചാരംരൂപസാമ്യം,ആകാരം ഞങ്ങളുടേതു പോലെ അല്ല.മൂപ്പന്മാര് എന്നാണ് ഞങ്ങളെ വിളിക്കുന്നത്. ആചാരി എന്ന വാല് തലമുറകളായി പേരില് കാണുന്നു.ശെെവ വിധി പ്രകാരമാണ് ചടങ്ങുകളെല്ലാം.പട്ടര്ക്കും അങ്ങനെ തന്നെ. അമ്പി,പരമേശ്വരന്,ഗണപതി,വെങ്കിടന്,കെെലാസന്,ഷണ്മുഖന് കനകം,മീനാക്ഷി ഗണേശന് സെല്വന് രാമസാമി തുടങ്ങിയ പേരുകളാണ് മിക്കവര്ക്കും.എഴുപത്തിയാറ് കരകളിലാണ് കേരളത്തില് വസിച്ചുവരുന്നത്. അതില് തന്നെ നാല്പ്പത് കരകളും മുപ്പത്താറര കരകളും ഉണ്ട്.നാല്പ്പത് കരകളിലുള്ളവര്ക്ക് അമ്മന് കോവിലുകളാണ് പ്രധാനം. ബ്രാഹ്മണാചാരം നിലനിര്ത്തുന്ന മറ്റൊരു ശില്പി വര്ഗ്ഗം കൊങ്കണ് സോനാര് എന്ന കൊച്ചിയിലേയും തുറവൂരിലേയും ശില്പി വര്ഗ്ഗം ആണെന്നാണ് എന്റെ അറിവ്. നന്ദി.
മറുപടിഇല്ലാതാക്കൂആശാരി മരപ്പണിക്കാരൻ കേരളത്തിൽ വിശ്വബ്രാമണ വിഭാഗത്തിൽ പെടുന്ന വർ ആണ് മുൻപ് നമ്പൂതിരിമാർ കേരളത്തിൽ വന്നപ്പോൾ അവരുടെ വീടുകളും ക്ഷേത്രങ്ങളും ഉണ്ടാക്കാൻ വേണ്ടി പൂണൂൽ ഇട്ടിരുന്ന ഒരു വിഭാഗം ബ്രാഹ്മണ വിഭാഗമാണ് വിശ്വാസം ബ്രാഹ്മണർ കേരളത്തിൽ ആശാരി മാത്രമാണ് ഈ വിഭാഗത്തിൽ പെടുന്നവർ മറ്റു വിഭാഗങ്ങൾ കൊല്ലൻ തട്ടാൻ മൂശാരി തുടങ്ങിയ വിഭാഗങ്ങൾ തിരുവിതാംകൂർ മഹാരാജാവ് പുറപ്പെടുവിച്ച ഉത്തരവ് പ്രകാരം വിശ്വകർമ്മ എന്ന പദവിയിലേക്ക് പിന്നീട് ഉയർത്തപ്പെട്ടവരാണ് ഇവർ ദ്രാവിഡ സംസ്കാരവുമായി ബന്ധമുള്ളവരാണ് ഇവർ പൂനൂൽ ഇട്ടിട്ടില്ല വിശ്വബ്രാഹ്മണ വിഭാഗത്തിൽപ്പെട്ട ശില്പികളും തട്ടാൻമാരും ഏതാനും വിരലിലെണ്ണാവുന്ന ഫാമിലികൾ മാത്രമാണ് എറണാകുളത്ത് പെരുമ്പാവൂരിലും തിരുവനന്തപുരത്തും ഉള്ളത്
മറുപടിഇല്ലാതാക്കൂരചയിതാവ് ഈ അഭിപ്രായം നീക്കംചെയ്തു.
മറുപടിഇല്ലാതാക്കൂമലബാർ തിരു കൊച്ചി ഭാഗങ്ങളിൽ നിന്ന് വിപരീതമായി തിരുവിതാം കൂറിൽ മാത്രം ആണ് വിശ്വകർമ്മജൻ എന്ന പ്രയോഗം ഉള്ളത് ഇത് ആര്യൻ ദ്രാവിഡ ശില്പികളുടെ സങ്കരയിനം ആണ് ഇവർ യഥാർത്ത വിശ്വകർമ്മ അല്ല എന്ന ഒരു അഭിപ്രായം തന്നെ മലബാർ മേഖലയിൽ ഉണ്ട്
മറുപടിഇല്ലാതാക്കൂMatrimonial site കളിൽ കേരളത്തിൽ ആശാരി മാത്രം [carpenter/vadragi/vadla ] എന്നാണ് കാണുന്നത് ഇത് മരപ്പണി കുലത്തൊഴിലാളി സ്വീകരിച്ച ഒരു വിശ്വ ബ്രാഹ്മണ വിഭാഗത്തിന്റേതാണ്
മറുപടിഇല്ലാതാക്കൂ